كريم سرور عن إيقاف مسلسل «الملك»: «ماتنسوش تحاكموا نجيب محفوظ»

المصرى اليوم 0 تعليق ارسل طباعة تبليغ حذف

لاقتراحات اماكن الخروج

حرص الفنان الشاب كريم سرور، على دعم أبطال مسلسل «الملك» رافضًا قرار إيقاف عرضه الصادر من جهة انتاجه لحين دراسته من الناحية التاريخية والأثرية.

وكتب عبر حسابه الخاص على موقع الصور انستجرام: «متنسوش طيب تحاكموا نجيب محفوظ بأثر رجعى على تدميره للتاريخ في رواية كفاح طيبة اللى كتبها من ٥٠ سنة والعالم كله قراها لأن أحداثها مكنتش واقعية اصلاً، عشان مفيش حاجة اسمها ادب وفن وخيال انما فيه دقن وحزام وسيف، وبالمناسبة أحداث فيلم الناصر صلاح الدين كانت مؤلفة مش حقيقية ومكنش فيلم فانتازى زى اسكندرية كمان وكمان اللى مكنش فيه محكاه للواقع برضه، وفيلم واسلاماه وقصة جهاد ووواقعة شجرة الدر وقصص دينية كمان فيها أخطاء على مستويات كتير جداً واستمتعنا بكل عناصرها وفيه بدل المثال ألف، إنما فيه زيطة وتريند وده مش شبهه وهأ هأ وخلاص لكن تقدير لمجهود وتعب ناس وشغل اتصرف عليه ملايين نحكم عليه بالإعدام من قبل ما نشوفه» طيب هما دلوقتى شكلوا لجنة من وزارة الأثار لمراجعة سيناريو ( السيناريو مش اللبس ده اللى مكتوب في الخبر معرفش ليه دول مكنوش موجودين من الأول، ده انتم كنتوا بتدافعوا عن حمو بيكا وتقولوا اكل عيشه وحرام فيه ناس بتاكل عيش من وراه انما المسلسل ده هيصب لعنة الفراعنة على مصر.. طب قررتوا تعملوه من الأول ليه مكنتوش تعرفوا نجيب محفوظ كاتب ايه؟؟ تعرفوا نجيب محفوظ أصلاً «.

«الملك أحمس»، مأخوذ عن رواية «كفاح طيبة» للأديب نجيب محفوظ، وهو من بطولة عمرو يوسف صبا مبارك، سوسن بدر، ماجد المصرى، محمد علاء، ريم مصطفي، محمد لطفي، أمير صلاح، وباسل الزارو، معتز هشام، وآخرين، وتأليف خالد وشيرين دياب، وإخراج حسين المنباوي.

  • الوضع في مصر

  • اصابات

    185,922

  • تعافي

    143,575

  • وفيات

    10,954

أخبار ذات صلة

0 تعليق